L´ENCANTU (Asturias)

En campu´l Carbayín hay un encantu. Ción la de Xuantorre y yo viemus ellí, en mesmu sitiu, una colaína tendía mas de venti veces.

Un día diba Refael de Vicenta Ramón por estru, y al pasar pe´la huente les Xanes vio una tienda de hermosura, toa una estragalada de coses muy guapes, muy guapes arriba d´una sebe. Y xunt´a ello taba una mociquina tamién muy guapa, vistía de blancu, que-y dixo:

-¿Que te gusta más de tou?

El mozu quedosé clisau nello, y en vez de dici-y "Gustesme tú", dixo-y:

-Anquell´anfiler di oru.

Entos la moza contestó-y muy llaspardera:

-En corazón clavada la tengues tú.

Y sumióse l´encantu.